МОЛИТВА ПО СОГЛАШЕНИЮ о мире в Церкви и в стране

МОЛИТВА ПО СОГЛАШЕНИЮ

(Читается в 12-00 и 22-00)

Во имя Отца, и Сына и Святаго Духа. Аминь.

Господи Иисусе Христе, Сыне Божий, молитв ради Пречистыя Твоея Матере преподобных и богоносных отец наших и всех святых, помилуй нас. Аминь.

Слава Тебе, Боже наш, слава Тебе.

Царю Небесный … Трисвятое. Пресвятая Троице … Отче наш … Господи, помилуй (12 раз). Слава и ныне… Приидите, поклонимся … (трижды).

Акафист Святому Архистратигу Михаилу (кроме Великого поста, по возможности).

Молитва Михаилу Архистратигу, грозному воеводе1.

Господи Боже Великий Царю Безначальный!

Посли, Господи, Архангела Твоего Михаила на помощь рабам Твоим настоятелю протоиерею Владимиру, протоиерею Юрию, протоиерею Павлу, протоиерею Василию,  иерею Димитрию, рабу Твоему (свое имя и имена других молящихся — по возможности) и всем молящимся со мною изъяти нас от враг наших видимых и невидимых.

            О, Господень Михаиле Архангеле! демонов сокрушителю: запрети всем врагам борющимся с нами, сотвори их, яко овцы и сокруши их, яко прах пред лицем ветра.

            О, Господень Великий Архангеле Михаиле! Шестокрылатый первый княже, воеводо небесных сил Херувим и Серафим. О, угодный Михаиле Архангеле, буди нам помощник во всех обидах, в скорбях, печалях; в пустынях, на распутьях, на реках и на морях – тихое пристанище. Избави нас, Великий Михаиле Архангеле, от всяких прелестей диавольских, егда услыша нас, рабов твоих, молящихся тебе и призывающих тебя и призывающих имя твое святое: ускори на помощь нам и услыши молитву нашу.

            О, великий Архангеле Михаиле! Победи вся противящиеся нам силою Честнаго и Животворящаго Небеснаго Креста Господня, молитвами Пресвятыя Богородицы и святых апостолов, святаго пророка Божия Илии, святителя Николая Чудотворца, святаго Андреа юродиваго, святых великомучеников Никиты и Евстафия, святаго великомученика Георгия Победоносца, святаго равноапостольнаго князя Владимира, преподобных отец и святых святителей, мучеников и всех святых Небесных сил. Аминь. 

1Молитва сия древняя, написана на паперти Чудова монастыря в Кремле – в Церкви Михаила. Аще который человек прочитает сию молитву – того дня не прикоснется к нему ни диавол, ни зол человек, лестью не обольстится сердце его. Аще ли преставится от жития сего, — то и душа его не станет достоянием ада. 

Молитва по соглашению 

Господи Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их». Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам рабам Твоим (свое имя и др. имена) и всем молящимся с нами, согласившимся просить Тя    даровати нам дух истинного покаяния и страха Божия, избавити нас от сети ловящих и сохранити Храм наш и  Церковь  в чистоте и истине, страну нашу– в мире, Святую Русь  — в единстве и благочестии,    исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.

            Достойно есть … Слава, и ныне. Господи, помилуй (трижды).  Господи Иисусе Христе, Сыне Божий, молитв ради Пречистыя Твоея Матере, святаго Архистратига Михаила и всех святых Небесных  сил,  преподобных и богоносных отец наших и всех святых, помилуй нас. Аминь.

БЛАГОСЛОВЛЯЕТСЯ ЧТЕНИЕ ПСАЛТИРИ 

МОЛИТВА ПО БЛАГОСЛОВЕНИЮ МОНАХОВ ПОЧАЕВСКИХ

(Читается на каждой «славе» Псалтири, не соединяясь с прочими прошениями.)

Господи, сохрани Церковь апостольскую.
Укрепи и утверди, Господи, всех православных христиан Духом Святым в вере православной и даруй нам, всем православным христианам, Господи, время на покаяние и спасение душ наших.
Даруй, Господи, мир на нашей земле. Аминь.

 

МОЛИТВА О МИРЕ В УКРАИНЕ

Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны.

Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем.

Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков.

Поделиться в соц. сетях

Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
This entry was posted in Без рубрики. Bookmark the permalink.

Comments are closed.